التكوين ومبادئ التصوير
Africa/Cairo
مهم قبل ما تسجل
الأماكن محدودة، عشان كده التسجيل هنا طلب حضور مش حجز نهائي. فريق مزج هيراجع الطلبات ويتواصل معاك للتأكيد، ولو اتختار طلبك هيوصلك إيميل تأكيد فيه الميعاد والمكان.
بتشوف منظر حلو، تطلع موبايلك تصوّره…
وتلاقي الصورة مش زي اللي إنت شايفه بعينك؟ 👀📸
طب أقرّب ولا أبعد؟
أحط الشخص في نص الصورة ولا على جنب؟
وإيه اللي أخليه جوّه الكادر، وإيه اللي أطلّعه منه؟
في ورشة مجتمع مزج الجديدة، هنكتشف إجابات الأسئلة دي سوا 💛
📸 «التكوين ومبادئ التصوير»
هنتعلّم إزاي نبص للمشهد قبل ما نصوّره، ونرتّب العناصر جوّه الكادر، ونفهم إزاي اختيارات بسيطة ممكن تغيّر شكل الصورة والإحساس اللي بتوصّله.
هنجرّب مع بعض:
🎯 إزاي نحدد العنصر الأساسي ونخلّي العين تروح له.
🖼️ إزاي نستخدم قاعدة الأثلاث والتوازن في تكوين الصورة.
〰️ إزاي الخطوط والمساحات اللي حوالينا تساعدنا نبني الكادر.
📐 وإزاي تغيير مكاننا وزاوية التصوير يخلّي نفس المشهد يبان بشكل مختلف.
وكل فكرة هنتعلّمها، هنجربها بإيدينا…
نصوّر، ونغيّر اختياراتنا، ونشوف الفرق مع بعض 🙌
وكعادتنا في مجتمع مزج، هنتعرف على ناس جديدة، ونتبادل أفكار، وناخد مساحة نجرب ونسأل ونتعلّم من بعض.
سواء لسه بتبدأ، أو بتحب التصوير وعايز تطوّر عينك، تعالى بموبايلك أو كاميرتك وفضولك للتجربة 💛
📍 المكان: مكتب مزج
🗓️ الخميس ٥ نوفمبر
🕓 الساعة ٤ عصرًا
🎟️ الورشة مجانية بالكامل
العدد محدود، وبعد التسجيل هيكون في اولويه للي هيسجل اول وهنكلم الداتا اللي سجلت يوم الاربع بالترتيب لحد ميكتمل العدد. علشان كده، استنى مكامله التأكيد قبل ما تيجي 💛
كل خميس الساعة ٤، لينا معاد في مجتمع مزج…
نتقابل، ونجرب، ونتعلّم حاجة جديدة سوا ✨