زوايا تصوير ومعاني إخراجية
مجتمع مزج هو مجتمع أسبوعي مجاني في دمياط يجمع المهتمين بصناعة المحتوى، التصوير، المونتاج، التصميم، التسويق، السوشيال ميديا والذكاء الاصطناعي؛ للتعلم والتطبيق والتعارف وبناء فرص تعاون حقيقية .
مهم قبل ما تسجل
الأماكن محدودة، عشان كده التسجيل هنا طلب حضور مش حجز نهائي. فريق مزج هيراجع الطلبات ويتواصل معاك للتأكيد، ولو اتختار طلبك هنأكد عليك بمكالمه تليفونيه وهيوصلك إيميل تأكيد فيه الميعاد والمكان.
نفس الشخص، نفس المكان… بس زاوية مختلفة، وحكاية مختلفة! 🎬✨
عمرك فكرت ليه شخصية في مشهد بتحسها قوية ومسيطرة، وفي مشهد تاني بتحس إنها ضعيفة أو لوحدها؟
مكان الكاميرا ممكن يقول كتير، حتى قبل ما الشخصية تتكلم 👀
الخميس الجاي بنتقابل في إيفنت جديد من مجتمع مزج بعنوان:
«زوايا تصوير ومعاني إخراجية» 📸
هنكتشف مع بعض إزاي اختيار زاوية التصوير وحجم اللقطة بيغيّر إحساسنا بالمشهد، وإزاي نختار الكادر اللي يوصل المعنى اللي في دماغنا.
هنتكلم عن:
🎥 زوايا التصوير المختلفة، وإمتى نستخدم كل زاوية.
🎥 الفرق بين اللقطة القريبة والمتوسطة والواسعة، وإيه اللي كل واحدة بتخلينا نركز عليه.
🎥 إزاي الكادر يساعدنا نحس بالقوة، أو التوتر، أو القرب، أو العزلة حسب سياق المشهد.
🎥 إزاي نحول فكرة أو إحساس للقطات بتحكيه.
وهنجرّب بإيدينا نصوّر نفس الموقف بأكتر من زاوية، ونشوف إزاي المعنى بيتغيّر مع كل اختيار 🙌
سواء بتصور بالموبايل، أو بتعمل محتوى، أو بتحب السينما ونفسك تفهم لغتها أكتر… تعالى نتعلم ونجرب ونتعرف على ناس بتشاركنا نفس الشغف 💛
📅 الخميس ٨ أكتوبر ٢٠٢٦
📍 مكتب مزج
🎟️ الإيفنت مجاني لكن لازم تسجل وهيتم التواصل معاك للتأكيد
مستنيينك في مزج… نشوف نفس المشهد بعيون جديدة ✨