تريكات مونتاج على CapCut
مهم قبل ما تسجل
الأماكن محدودة، عشان كده التسجيل هنا طلب حضور مش حجز نهائي. فريق مزج هيراجع الطلبات ويتواصل معاك للتأكيد، ولو اتختار طلبك هيوصلك إيميل تأكيد فيه الميعاد والمكان.
عن اللقاء
بتشوف فيديو وتقول: «هو عمل الحركة دي إزاي؟!» 👀
نقلة مظبوطة مع المزيكا، كلمة بتظهر في وقتها، أو حركة بسيطة مديّة اللقطة إحساس مختلف…
في ورشة مجتمع مزج الجديدة، هنكتشف سوا إزاي التفاصيل الصغيرة دي بتتعمل، وإزاي نستخدمها في فيديوهاتنا ✨
🎬 «تريكات كاب كت… تفاصيل صغيرة تفرق في فيديوهاتك»
هنجرب مع بعض تريكات في المونتاج على CapCut، ونتعلم:
✂️ إزاي نختار توقيت القطع ونظبط إيقاع الفيديو.
🎵 إزاي نخلي اللقطات ماشية مع المزيكا.
🔄 إزاي نوصل بين لقطتين بانتقال بسيط ومظبوط.
💬 إزاي نستخدم الكتابة والحركة عشان نبرز فكرتنا.
🔊 وإزاي لمسة صوت في مكانها تفرق في إحساس المشهد.
وكل تريكة هنتعلمها، هنجربها بإيدينا… ونشوف إمتى بتخدم الفيديو وإزاي نوظفها بطريقتنا 🙌
وكعادتنا في مجتمع مزج، هنتعرف على ناس جديدة، ونتبادل أفكار، ونجرب ونضحك ونتعلم من بعض 💛
سواء بتعمل محتوى لنفسك، أو لمشروعك، أو بتحب المونتاج وعايز تطوّر فيديوهاتك… تعالى نجرب سوا!
📱 جهّز كاب كت على موبايلك، وهات معاك شوية لقطات نشتغل عليها.
📍 في مكتب مزج
🎟️ الورشة مجانية
🗓️ مستنيينك الخميس الساعة ٤ عصرًا
وخلاص بقى لينا معاد ثابت… كل خميس الساعة ٤، نتقابل في مجتمع مزج ونتعلم حاجة جديدة سوا 💛